Breski leikarinn Bernard Hill er látinn 79 ára að aldri.
BBC greinir frá en Hill var þekktastur fyrir að leika Edward Smith kaftein í Titanic og Þjóðan konung í myndabálknum um Hringadróttinssögu.
Hill er eini leikarinn sem hefur leikið í fleiri en einni kvikmynd sem hefur hlotið að minnsta kosti ellefu Óskarsverðlaun.
Lou Coulson, umboðsmaður hans, staðfesti við BBC að Hill hefði látist snemma í morgun.
Hill lék meðal annars í þáttunum The Responder með Martin Freeman. Byrjað verður að sýna aðra seríu af þeim þáttum í dag í Bretlandi.