Ný gögn um landrisið við Svartsengi sem berast fyrir hádegi í dag munu varpa betur ljósi á hvort að hægst hafi á hraða rissins.
Sérfræðingar Veðurstofunnar munu funda fyrir hádegi og meta nýju gögnin. Má búast við frekari upplýsingum síðar í dag.
Þetta segir Bjarki Kaldalóns Friis, náttúruvársérfræðingur á Veðurstofu Íslands.
Hann telur enn of snemmt að segja til um hvort hægst hafi á landrisinu.
Síðustu mánuði hefur hægara landris við Svartsengi verið undanfari kvikuhlaups.
Nú þegar eldgos á sér enn stað er óljóst hvað muni gerast þegar þrýstingurinn í grynnra kvikuhólfinu undir Svartsengi er kominn að þolmörkum.