Þormar Ómarsson, annar eigenda Papa's Pizza í Grindavík, vill sjá að fólki sé hleypt inn í bæinn aftur sem fyrst. Það sé eina leiðin til að starfsemin í bænum geti orðið eðlileg og þjónustufyrirtækin lifni við á ný.

„Það er ágætt að gera í hádeginu og á kvöldin, en okkur vantar túristana yfir daginn,“ segir Þormar í samtali við mbl.is.

Papa's Pizza var opnuð aftur 1. maí og segir Þormar starfsemina hafa gengið vel, en það vanti alla ferðamennina í bæinn. Hann telur þá lykilatriði fyrir uppbyggingu Grindavíkur.

Gestir á Papa's Pizza snæða í sólinni í gær. mbl.is/Eggert Jóhannesson

Trúir því að fólk muni búa í Grindavík 

Þormar er Grindvíkingur og er búsettur í bænum vegna rekstursins, en fjölskylda hans er í Reykjavík.

Hann kveðst ekki viss um að fjölskyldan muni snúa aftur til Grindavíkur, það verður að koma í ljós með haustinu.

„Við eigum syni hérna sem eiga íbúðir, og við erum búin að leigja þær allar út. Það eru bara útlendingar sem vinna í Keflavík og Matorku og þeir kippa sér ekkert upp við þetta. Ég er alveg bjartsýnn á að það verði fólk hérna, það verður bara ekki sama fólkið.“

Tengdar fréttir

Raddir Grindvíkinga

„Erfitt að horfa upp á endurtekna atburði“

• Fyrirtækjaeigendur vilja fund með ríkisstjórn
• „Betri staða ef húsið brynni“
• „Stór hluti eignanna er í góðu ástandi“
• „Okkur mun ekki bregða“

» Fleiri tengdar fréttir

• Blogga um frétt