Tindastóll þarf að spila heimaleik sinn gegn Fylki í Bestu deild kvenna í fótbolta á fimmtudaginn á velli KA á Akureyri.
Eins og áður hefur komið fram varð Sauðárkróksvöllur fyrir skemmdum vegna vatnselgs sem flæddi inn á hann í leysingum daginn fyrir fyrsta leik liðsins í deildinni, gegn FH 22. apríl.
Þó var leikið á vellinum eftir eins sólarhrings frestun, en völlurinn er illa farinn og ekki leikhæfur.