Knattspyrnudeild Gróttu hefur gengið frá samningi við framherjann Franciele Cupertino. Samningurinn gildir út tímabilið.
Sóknarkonan er frá Brasilíu, en stundaði nám við West Virginia State-háskólann og lék með knattspyrnuliði skólans. Hún er fædd árið 1996 og á að baki leiki fyrir yngri landslið Brasilíu.
Grótta hafnaði í fjórða sæti 1. deildarinnar á síðustu leiktíð og var í baráttu um sæti í Bestu deildinni fram í lokaumferðina.