Síðasta ár var metár í íslenskri ferðaþjónustu á flesta mælikvarða, þó ekki hafi verið slegið met í fjölda ferðamanna. Hlutur ferðaþjónustunnar af landsframleiðslu var um 8,8% í fyrra og hefur aldrei verið stærri. Í nýrri hagspá gerir Landsbankinn ráð fyrir að fjöldi ferðamanna í ár jafni metið frá 2018 og að verðmætin sem greinin skili af sér verði meiri en nokkru sinni fyrr.

Þetta kemur fram í nýrri Hagsjá Landsbankans. 

Bent er á, að ferðamönnum hafi fjölgað hratt eftir heimsfaraldurinn og vöxtur greinarinnar síðustu ár hafi verið töluverður á meðan hún var að ná sér aftur á strik.

„Í nýrri hagspá gerum við ráð fyrir að fjöldi ferðamanna í ár jafni metið frá 2018 og verði um 2,3 milljónir. Við gerum einnig ráð fyrir að greinin skili meiri útflutningsverðmætum en á síðasta ári og þar með mestu verðmætum frá upphafi,“ segir í Hagsjánni.

Fram kemur, að sætaframboð íslensku flugfélaganna í ferðum til landsins yfir sumarið bendi til þess að gera megi ráð fyrir góðu ferðasumri. Það hafi verið um 2% fleiri hótelherbergi í boði á landinu í mars á þessu ári en í mars í fyrra, samkvæmt talningu Hagstofunnar, sem bendi sömuleiðis til þess að greinin sé að vaxa.

„Í heild gerum ráð fyrir að útflutningsverðmæti greinarinnar aukist á milli ára, sem þýðir að árið í ár verði stærsta ferðaþjónustuárið hingað til. Við teljum að ferðaþjónustan haldi svo áfram að vaxa hægt og rólega næstu ár á eftir, að ferðamenn verði 2,4 milljónir árið 2025 og 2,5 milljónir árið 2026.“

Tengdar fréttir

Ferðamenn á Íslandi

Nefnir tvær mögulegar ástæður fyrir minni veltu

• Ný hótelkeðja er í burðarliðnum á Íslandi
• Stefnir í metsumar í komu ferðamanna
• Mikilvægt að vera á tánum
• Ferðaþjónusta aldrei vegið þyngra í landsframleiðslu

» Fleiri tengdar fréttir

• Blogga um frétt